Znj. Kodheli i uroi mirseardhjen delegacionit te parlametareve nga Mali i Zi dhe vleresoi marredheniet e ngushta dhe te gjithaneshme midis dy vendeve tona. Keto marredhenie jane misheruar ne nje sere takimesh te te gjitha niveleve sikurse edhe ne mbledhjen e perbashket midis dy qeverive, nisme qe e pergezoj dhe kam bindjen se do te vazhdoje edhe ne te ardhmen, tha ajo.

Bashkepunimi midis vendeve tona duhet te forcohet dhe te zgjerohet nepermjet projekteve te perbashketa, te mbeshtetura edhe nga BE, te cilat synojne zhvillimin e vendeve tona dhe te rajonit, u shpreh znj. Kodheli.

Me tej, Kryetarja Kodheli duke folur per bashkepunimin midis dy vendeve ne fushen e marredhenieve nderkombetare, permendi kontributin e Shqiperise per anetaresimin e Malit te Zi ne NATO sikurse dhe gatishmerine per te perfituar nga eksperienca e fqinjit tone verior ne proceset e integrimit ne BE.  Znj. Kodheli u shpreh se Shqiperia vitin e ardhshem do te marre kryesine e OSBE, nderkohe ajo ka kandiduar per vendin e anetarit jo te perhershem ne Keshillin e Sigurimit te OKB, per çka do te vleresonim shume edhe mbeshtetjen e Malit te Zi, ne traditen e mire te reciprocitetit qe do te vazhdoje edhe ne te ardhmen.

Nje tjeter çeshtje ne te cilen vuri theksin Kryetarja e Komisionit te Jashtem Kodheli ishte dhe ajo e nevojes se mbrojtjes dhe promovimit te te drejtave te pakices shqiptare ne Malin e Zi. Permiresimet ne kete drejtim duhet te jene te vazhdueshme dhe organike, u shpreh ajo.

Duke perfunduar znj. Kodheli nenvizoi rendesine e veçante te bashkepunimit nderparlamentar dhe rolin e parlamentareve jo vetem ne forcimin e marredhenieve midis vendeve tona por edhe per rritjen e bashkepunimit, konsolidimin e paqes dhe sigurise ne rajon.

Z. Andrija Nikolic, pasi falenderoi per pritjen, kujtoi miqesine e sprovuar dhe lidhjet historike midis Malit te Zi dhe Shqiperise, me bindjen se ato do te vazhdojne te forcohen edhe me tej. Ne kete kuader ai permendi edhe rolin pozitiv te pakices shqiptare, e cila ka qene pjese e rendesishme dhe kontribuese ne te gjitha arritjet e Malit te zi. Z. Nikolic shprehu angazhimin e Malit te Zi per respektimin e te drejtave te pakices shqiptare dhe permiresimin e metejshem te harmonise multietnike ne vend.

Duke folur per mbledhjet e perbashketa midis dy qeverive, z. Nikolic u shpreh se institucionalizimi i bashkepunimit e ben ate te detyrueshem. Ne kete kuader ai permendi pergatitjet per takimin e dyte nderqeveritar si dhe finalizimin e nje sere marreveshjeve midis dy vendeve.

Nje tjeter drejtim bashkepunimi me interes reciprok per vendet tona mund te ishin takimet trilaterale me pjesemarrjen e nje vendi anetar te BE – si Italia, u shpreh Kryetari Nikolic. Nderkohe Shqiperia dhe Mali i Zi duhet te aplikojne per fondet IPA me projekte te perbashketa ne nivel lokal, tha ai.

 Z. Nikolic vleresoi gjithashtu bashkepunimin ne kuadrin e Kartes se Adriatikut (A5), duke shtuar se vendet tona duhet te ndikojne pozitivisht edhe per anetaresimin e ardhshem te Maqedonise ne NATO.

Edhe anetaret e tjere te dy delegacioneve shkembyen mendime lidhur me bashkepunimin midis vendeve tona si dhe mbi çeshtje te ndryshme te politikes se brendeshme dhe asaj nderkombetare me interes reciprok.