Sot, me 6 shkurt 2019, Kryetarja e Komisionit per Marredheniet me Jashte, znj. Mimi Kodheli e shoqeruar nga zevendeskryetaret e ketij Komisioni, znj. Klajda Gjosha, z. Tritan Shehu si dhe nga z. Ervin Bushati anetar, priti ne Seline e Kuvendit Ministren Irlandeze te Shtetit per Çeshtjet e BE-se, znj. Helen Mc.Entee TD dhe Sekretarin e Shtetit te Ministrise se Puneve te Jashtme Finlandeze, z. Samuli Virtanen, te cilet po kryejne nje vizite te perbashket ne Shqiperi.

Znj. Kodheli, duke i uruar miqve mirseardhjen vleresoi marredheniet miqesore midis tre vendeve tona. Ajo vuri theksin tek identiteti dhe orientimi i padiskutueshem euro-perendimor i shqiptareve si komb duke permendur njekohesisht dhe hapat e bera ne kuadrin e reformave dhe te permbushjes se detyrave te vena per hapjen e negociatave. Shqiperia meriton te jete anetare e BE e sa me pare te ndodhe kjo aq me mire do te jete jo vetem per Shqiperine por edhe per rajonin dhe vete BE, theksoi ajo.

Me tej, znj. Kodheli foli per situaten ne rajon dhe kontributin qe ka dhene e jep Shqiperia dhe shqiptaret ne favor te ruajtjes se ekuilibrave te drejte dhe sigurise se tij. Ajo kujtoi mbeshtetjen e forte qe vendi yne i dha Malit te Zi per t’u antaresuar ne NATO dhe u shpreh se Shqiperia do te jete nje nder vendet e para qe do te ratifikoje protokollin per aderimin e Maqedonise se Veriut ne kete organizate.

Kryetarja e Komisionit te Jashtem foli gjithashtu mbi nevojen e zgjerimit dhe forcimit te bashkepunit midis vendeve tona ne fusha te ndryshme. Duke permendur turizmin si nje fushe me interes per te tre vendet, znj. Kodheli u shpreh se vendosja e Shqiperise ne harten e destinacioneve te kompanise Ryanair dhe lehtesimi i procedures se vizave do te kishin pa dyshim nje ndikim mjaft pozitiv ne kete drejtim.

Ministrja Irlandeze Helen Mc.Entee TD falenderoi per pritjen e ngrohte dhe u shpreh se vizita e perbashket me Sekretarin e Shtetit Finlandez ka si qellim percjelljen e mesazhit te mbeshtetjes qe dy vendet i japin Shqiperise dhe rajonit ne rrugen e tyre drejt integrimit Euro – Atlantik. Ne po vijme nga Maqedonia e Veriut, te cilen e pergezuam per pranimin ne NATO. Nderkohe ne mbeshtesim hapjen e negociatave midis BE dhe Shqiperise dhe presim nga ju te na thoni se ne ç’drejtim mund t’ju ndihmojne ne arritjen e objektivave tuaja europiane. Gjithashtu ne kemi interes per te eksploruar mundesite e bashkepunimit midis vendet tona ne te gjitha drejtimet, tha Ministrja Irlandeze.

Sekretari i Shtetit Finlandez Samuli Virtanen gjithashtu u shpreh se dhe vendi i tij inkurajon Shqiperine per tu bere pjese e familjes europiane. Ne jemi te interesuar per sigurine e Ballkanit dhe integrimi i tij Euro-Atlantik eshte nje garanci ne kete drejtim. Z. Virtanen duke kujtuar se vendi i tij ne 1 korrik 2019 do te marre kryesine e Keshillit te Bashkimit Europian, u shpreh se ne kete cilesi Finlanda shpreson te ndikoje me shume ne pershpejtimin e integrimit europian te rajonit.

Ne perfundim ai u interesua nese te gjithe partite politike shqiptare kishin te njejten perqasje persa i perket agendes europiane te vendit.

Zevendeskryetari i Komisionit te Jashtem Tritan Shehu permendi lidhjet midis popujve tane dhe falenderoi per mbeshtetjen qe Finlanda dhe Irlanda i kane dhene Shqiperise. Ai theksoi rolin e kombit shqiptar ne rajon si nje faktor stabiliteti. Z. Shehu nenvizoi se pershpejtimi i proceseve integruese eshte tejet i rendesishem per rajonin, pare perpjekjet e faktoreve te ndryshem per te ndikuar negativisht vendet e tij si dhe zhvillimet e tjera ne arenen europiane. Pavaresisht nga kontradiktat e brendshme, ne jemi plotesisht ne mbeshtetje te ardhmes europiane te vendit si e vetmja alternative dhe kerkojme mbeshtetjen tuaj per hapjen sa me pare te negociatave sepse çdo dite qe kalon ajo behet edhe me e veshtire u shpreh ai. 

Zevendeskryetarja e Komisionit Klajda Gjosha gjithashtu konfirmoi qendrimin unik te te gjithe spektrit politik shqiptar persa i perket perspektives europiane te vendit dhe hapjes se negociatave. Ne jemi te vetedijshem se ky eshte nje proces i veshtire dhe se standardet nuk mund te arrihen ne nje dite por prioritetet tona do te mbeten po ato dhe reformat per arritjen e tyre do te vazhdojne. Nderkohe Europa duhet te jape mesazhin e saj pozitiv. Ne kemi nevoje per mbeshtetjen tuaj dhe projekte te perbashketa tha ajo.

Anetari i Komisionit te Jashtem, z. Ervin Bushati pasi permendi orjentimin perendimor te shqiptareve si komb beri nje pasqyre te progresit dhe reformave ekonomike ne Shqiperi duke theksuar se ajo nuk do te perbeje kurre nje barre ekonomike per Bashkimin Europian. Me tej ai shprehu admirimin per arritjet e Irlandes dhe Finlandes si dhe falenderimet per mbeshtetjen e tyre.

Ne perfundim te takimit, Ministrja Irlandeze e Shtetit per Çeshtjet e BE-se, znj. Helen Mc.Entee TD dhe Sekretari i Shtetit te Ministrise se Puneve te Jashtme Finlandeze, z. Samuli Virtanen vleresuan shkembimin e hapur dhe mjaft interesant te mendimeve duke nenvizuar rendesine qe ka dakordesia e tere partive politike shqiptare per vijimin e proceseve integruese dhe duke garantuar per mbeshtetjen e plote te vendeve te tyre ndaj Shqiperise ne rrugen e saj drejt anetaresimit ne BE.