Komisioni për Politikën e Jashtme miratoi në tërësi projektligjin “Për ratifikimin e Protokollit të Traktatit të Atlantikut Verior, për aderimin e Republikës së Maqedonisë së Veriut”

  • Postuar më, 12/02/2019

Komisioni për Politikën e Jashtme miratoi në tërësi projektligjin “Për ratifikimin e Protokollit të Traktatit të Atlantikut Verior, për aderimin e Republikës së Maqedonisë së Veriut”

Të ftuar për këtë projektligj ishin znj. Artemis Dralo zëvendësministre për Evropën dhe Punët e Jashtme, z. Petro Koçi zëvendësministër i Mbrojtjes, z. Armand Skapi drejtor i Traktateve në MEPJ, z. Ilir Melo drejtor i Drejtorisë së Rajonit dhe Vendeve Fqinje në MEPJ, z. Gjergji Methoxha drejtor i Drejtorisë së Politikave NATO dhe BE në Ministrinë e Mbrojtjes etj.

Zëvendësministrja për Evropën dhe Punët e Jashtme znj. Dralo, në fjalën e saj u shpreh se Maqedonia e Veriut ka bëre përpjekje të shumta institucionale për t’u anëtarësuar në NATO dhe se kishte ardhur koha për t’u bërë pjese e kësaj aleance.

Pas komenteve, kryetarja e komisionit znj. Mimi Kodheli hodhi në votim projektligjin, ku anëtarët e komisionit e votuan nen për nen dhe në tërësi ratifikimin e Protokollit të Traktatit të Atlantikut Verior për aderimin e Republikës së Maqedonisë së Veriut.