14 tetor 2019

Delegacioni i Përhershëm Parlamentar në Asamblenë Parlamentare të NATO-s, i kryesuar nga znj. Mimi Kodheli, mori pjesë në punimet vjetore të kësaj asambleje, që këtë vit u mbajtën në Londër. Nga data 11 - 14 tetor 2019, delegacioni shqiptar pjesë e të cilit janë deputetët z. Myslim Murrizi, z. Nimet Musaj dhe z. Xhemal Qefalia, sipas komisioneve përkatëse diskutuan mbi rëndësinë e kësaj aleance, duke qënë se ky është viti i 70-të i krijimit të saj. Komisionet morën në shqyrtim raportet e përgatitura nga raporterët dhe u shprehën në favor të miratimit të tyre. 

Kryefjalë e diskutimeve ishte situata aktuale në fushën e sigurisë si dhe zhvillimet e fundit në këtë drejtim. Afganistani, Rusia dhe së fundmi edhe Siria ishin temat kryesorë të diskutimeve mes parlamentarëve. 

Po ashtu znj. Kodheli mori pjesë në panelin e veccantë rezervuar zonjave deputete, panel i drejtuar nga znj. Madeleine Moon, Presidente e Asamblesë Parlamentare të NATO-s, në të cilin u diskutua për rolin e grave brenda Asamblesë. 

Seancës plenare ju drejtua me një fjalë edhe Sekretari i Përgjithshëm i NATO-s z. Jens Stoltenberg dhe Sekretari i Shtetit për Mbrojtjen në Britaninë e Madhe, z. Ben Wallace.

Gjithashtu delegacioni shqiptar ishte i pranishëm në pritjen e organizuar nga grupi i miqësisë Britani e Madhe - Shqipëri në Parlamentin Britanik.