Kryetari i Kuvendit, z. Gramoz Ruçi, priti Kryetarin e Kuvendit të Kosovës, z. Glauk Konjufca: Shqipëria, në krah të Kosovës, për përballimin e sfidave

  • Postuar më, 07/06/2021

7 qershor 2020

Kryetari i Kuvendit, z. Gramoz Ruçi, priti Kryetarin e Kuvendit të Kosovës, z. Glauk Konjufca, i cili ndodhet në vizitë zyrtare në Tiranë.  

Kryetari Ruçi vlerësoi bashkëpunimin e shkëlqyer vëllazëror midis dy vendeve dhe shprehu angazhimin e Kuvendit, Qeverisë dhe të insitucioneve shqiptare për të thelluar bashkëpunimin me Kuvendin, Qeverinë dhe institucionet kosovare, bashkëpunim i cili vlerësohet nga Shqipëria si strategjik, stabilizues për rajonin dhe orientues për perspektivën euroatlantike. “Partneritetin Strategjik gjithëpërfshirës me Kosovën duhet dhe mund ta bëjmë një model dhe inkurajim për bashkëpunimin rajonal. Ky bashkëpunim merr një rëndësi të veçantë në kushtet aktuale, kur Kosova po përballet me sfida të rëndësishme për të ardhmen e saj.  Shqipqëria vlerëson vizitën e fundit të Zëvendësndihmës Sekretarit të shtetit Mathew Palmer dhe të ngarkuarit të Bashkimit Evropian për dialogun Kosovë-Serbi Mirosllav Lajçak ne Prishtinë dhe Beograd dhe kontributin e tyre për  rinisjen e dialogut Kosovë-Serbi, në koordinim me partnerët strategjikë të Kosovës, Shtetet e Bashkuara të Amerikës dhe Bashkimin Evropian. Rezultati përfundimtar duhet të jetë një Marrëveshje e detyrueshme ligjore, që mundëson njohjen e ndërsjellët mes dy vendeve, anëtarësimin e Kosovës në OKB dhe BE, si dhe trajtim të drejtë të minoriteteve, konform Kushtetutës së Kosovës. Ne duhet te kuptojme se me ShBA dhe BE, gjithshka është e mundur për Kosovën.  Pa ShBA dhe BE, gjithshka është e rrezikuar për Kosovën.”, nënvizoi Kryetari i Kuvendit Gramoz Ruçi.

Kryetari i Kuvendit të Republikës së Kosovës, z. Glauk Konjufca, falenderoi Kryetarin Ruçi për pritjen vëllazërore dhe vuri në dukje se kjo është vizita e parë e Kryetarit të Kuvendit të Kosovës jashtë vendit dhe simbolikisht ajo realizohet në Shqipëri, duke respektuar traditën e institucioneve kosovare. “Bashkëpunimi midis Shqipërisë dhe Kosovës duhet të fuqizohet e zgjerohet akoma më shumë në linjën e bashkëpunimit midis dy shteteve të një kombi.  Ndihma e Shqipërisë për Kosovën është e rëndësishme në kushtet aktuale, sidomos për përballimin e dy sfidave të mëdha me të cilat po përballet Kosova: dialogu i vështirë me Serbinë, i cili duhet të çojë në një marrëveshje gjithëpërfshirëse, e cila do t’i japë fund konfliktit të gjatë, ende të pambyllur; dhe përballimi i akuzave të padrejta ndaj ish drejtuesve të lartë të Kosovës, krerëve të Ushtrisë Çlirimtare të Kosovës.”, nënvizoi Kryetari Konjufca.

Kryetari i Kuvendit, z. Gramoz Ruçi, dhe Kryetari i Kuvendit të Kosovës, z. Glauk Konjufca, u shprehën të një qëndrimi se UÇK dhe Kosova ishin dhe janë në anën e drejtë dhe të duhur të historisë dhe se koha punon për të drejtën, për Kosovën. 

Pas takimit, Kryetari Ruçi dhe Kryetari Konjufca, dhanë deklarata për mediat. 



Deklarata për mediat e Kryetarit të Kuvendit, z. Gramoz Ruçi, mbi takimin me Kryetarin e Kuvendit të Kosovës, z. Glauk Konjufca


Përshëndetje të gjithëve,

Sapo përfunduam një takim vëllazëror me Kryetarin e Kuvendit të Kosovës, z. Glauk Konjufca. 

Vlerësuam bashkëpunimin e shkëlqyer midis dy vendeve, veçanërisht midis Kuvendit te Shqiperise dhe Kuvendit te Kosoves. 

Bashkëpunimi midis Shqipërisë dhe Kosovës  është strategjik, stabilizues dhe orientues për perspektivën euroatlantike për rajonin.

Vleresuam arritjet ne bashkëpunimin ekonomik, tregetar, arsimor, kulturor dhe u ndalëm më gjerësisht në bashkëpunimin politik e diplomatik dhe jemi të një mendjeje se duhet të nisim një ofensivë të re diplomatike për të rivitalizuar procesin e njohjeve ndërkombëtare të Kosovës, në bashkëpunim me partnerët tanë kryesorë ndërkombëtarë, Shtetet e Bashkuara dhe Bashkimin Europian. 

Shqipëria vlereson viziten e fundit te z. Palmer dhe z. Lajçak ne Prishtine dhe Beograd dhe kontributin e tyre per  rinisjen e dialogut Kosovë-Serbi, dakordimin për takimin e parë parashikuar të mbahet në qershor midis Kryeministrit Kurti dhe Presidentit Vuçiç, në koordinim me partnerët strategjikë të Kosovës, Shtetet e Bashkuara të Amerikës dhe Bashkimin Evropian. 

Rezultati përfundimtar duhet të jetë një Marrëveshje e detyrueshme ligjore, që mundëson njohjen e ndërsjellët mes dy vendeve, anëtarësimin e Kosovës në OKB dhe BE, si dhe trajtim të drejtë të minoriteteve, konform Kushtetutës së Kosovës.

Është inkurajuese mbështetja e plote nga administrata e re amerikane dhe Presidenti Baiden për “arritjen e një marrëveshjeje gjithëpërfshirëse për normalizimin e marrëdhënieve me Kosovën, e fokusuar në njohjen e ndërsjelltë”. Gjithashtu edhe përfshirja e angazhimi i SHBA-ve për arritjen e një marrëveshje të drejtë, të qëndrueshme dhe që hap perspektivën evropiane për Kosovën dhe për Serbinë dhe mbështet lehtësimin e procesit nga BE. 

Për ne është premtues dhe pozitiv fakti që SHBA dhe BE nuk kanë asnjë dallim qëndrimesh sa i përket dialogut Kosovë – Serbisë. Këtë e dëshmoi edhe vizita e përbashkët Palmer – Lajçak në Kosovë më 31 maj 2021.

Ne mendojme se eshte e rendesishme qe Kosova te ruaj avantazhin ndaj Serbise ne negociatat me ShBA dhe BE. Kosova i ka te gjitha arsyet e mundesite te jete partner me i besueshem se Serbia ne raport me partneret strategjike, ShBA dhe BE. 

Te gjithe ne duhet te kuptojme se me ShBA dhe BE, gjithshka eshte e mundur per Kosoven.  Pa ShBA dhe BE, gjithshka eshte e rrezikuar per Kosoven.

Është shumë i rëndësishëm arritja e një konsensusi të brendshëm për sa i takon qëndrimit ndaj Dialogut mes forcave kryesore politike dhe liderëve të saj dhe bëjmë thirrje për maturi, qetësi, unitet e bashkim dhe nevoja për konsultime për të patur një qëndrim shumë më të unifikuar rreth dialogut qe procesi të jetë gjithëpërfshirës, në funksion të forcimit të pozitave negociuese të Kosovës në Bruksel. 

Ne mendojmë se vizioni i Shteteve të Bashkuara dhe Bashkimit Europian është e vetmja perspektivë realiste dhe e dobishme për Kosovën, Serbinë dhe Rajonin. 

Të gjitha  rekomandimet e tjera, përfshirë të ashtuquajturat “non pejpërs”, janë provokime që kundërshtojnë angazhimin e BE-së dhe aksionin diplomatik të administratës amerikane për Ballkanin dhe të pengojnë dialogun dhe normalizimin e marrëdhënieve midis Serbisë dhe Kosovës.

Ne vlerësojmë reagimin e menjëhershëm të Komisionit të BE, ShBA.,NATO-s, Gjermanisë, Francës, Sllovenisë dhe shumë shteteve të rajonit, të cilët menjëherë refuzuan non-pejpërs provokues, duke i dënuar ato si përpjekje të reja për destabilizimin e Ballkanit Perëndimor përmes ndarjes së shteteve dhe kufijve.

Shqipëria vlerëson qëndrimin dinjitoz të drejtuesve të institucioneve të Republikës së Kosovës dhe të UÇK-së dhe gatishmërinë e plotë te tyre për t’i dalë përballë drejtësisë dhe zbardhur të vërtetën e Luftës se madhe për shpëtimin e popullit te saj nga krimet monstruoze dhe gjenocidi i Serbisë.

Vlerësojmë gjithashtu qëndrimin e Qeverisë së Kosovës, Kuvendit, forcave kryesore politike dhe liderëve të saj për maturi, qetësi, unitet e bashkim dhe nevojës për konsultime për të pasur një qëndrim shumë më të unifikuar rreth dialogut.

Është Serbia ajo që ka kryer gjenocid, krime kundër njerëzimit, krime lufte, ka fshehur kriminelë në kërkim për dekada dhe nuk ka bashkëpunuar me Gjykatën Ndërkombëtare të Drejtësisë në Hagë dhe sot përpiqet tí glorifikojë kriminelët që ka mbrojtur e fshehur.

Koha punon për Kosovën sepse Kosova është në anën e duhur dhe të drejtë të historisë. 

Dhe ne nuk duhet të rreshtim së punuari për të.

Ju faleminderit.


Share