Kryetarja e Kuvendit, znj. Lindita Nikolla, priti Ambasadorin Çek, z. Jaroslav Ludva: Republika Çeke, avokate e integrimit evropian të Shqipërisë

  • Postuar më, 06/01/2022

Kryetarja e Kuvendit, znj. Lindia Nikolla, priti sot Ambasadorin e Republikës Çeke, z. Jaroslav Ludva, i cili largohet nga Shqipëria ne përfundim të misionit të tij në Tiranë, ku shërbeu prej vitit 2017. 

Kryetarja Nikolla e falenderoi Ambasadorin Ludva për përmbushjen me sukses të misionit si ambasador dhe për disa kohë edhe si dekan i Trupit Diplomatik në Shqipëri, për kontributin në forcimin dhe zgjerimin e marrëdhënieve dypalëshe, intensifikimin e bashkëpunimit parlamentar si edhe ndihmën e Republikës Çeke për shuarjen e zjarreve dhe kontributin për rindërtimin e zonave të prekura nga tërmeti i 26 nëntorit 2019.

“Unë vlerësoj përkrahjen dhe vendosmërinë e Republikës Çeke në në mbështetje të rrugëtimit evropian  të  Shqipërisë, si një "avokate" e rrugës sonë drejt BE-së, si edhe për kontributin e saj në kuadër të mbështetjes prej Grupit të Vishegradit të integrimit të Ballkanit Perëndimor.”, nënvizoi Kryetarja e Kuvendit, znj. Lindita Nikolla.

Ambasadori Jaroslav Ludva falenderoi Kryetaren Nikolla për vlerësimin e bashkëunimit dypalësh dhe kontributit të tij dhe theksoi se mbështetja e Republikës Çeke për Shqipërinë do të vazhdojë dhe marrëdhëniet midis të dy vendeve do të vijnë duke u forcuar e zgjeruar. 



Share