Kryeparlamentarja Nikolla uron Presidenten e re të Parlamentit Evropian, Roberta Metsola: E bindur se PE do të vazhdojë të mbështesë Shqipërinë në rrugëtimin evropian

  • Postuar më, 19/01/2022

Kryetarja e Kuvendit, znj. Lindita Nikolla, i ka dërguar një letër urimi Presidentes së re të Parlamentit Evropian, znj. Roberta Metsola, me rastin e zgjedhjes.

“Me rastin e zgjedhjes në detyrën e lartë e të nderuar  të Presidentes së Parlamentit Evropian, Ju dërgoj urimet më të përzemërta të Kuvendit të Shqipërisë dhe të miat personalisht.

Jam e bindur se nën lidershipin Tuaj, Parlamenti Evropian do të vazhdojë të mbështesë fuqimisht e me vendosmëri rrugëtimin evropian të Shqipërisë dhe do të intensifikojë e zgjerojë bashkëpunimin me Kuvendin e Shqipërisë!”, shkruan Kryetarja e Kuvendit, znj. Lindita Nikolla.


Share