Delegacioni parlamentar i Kuvendit të Shqipërisë në Asamblenë Parlamentare të Këshillit të Evropës, kryesuar nga Znj. Blerina Gjylameti dhe i përbërë nga znj. Klotilda Bushka, znj. Etilda Gjonaj dhe znj. Jorida Tabaku, po merr pjesë në punimet e sesionit të radhës të Asamblesë që po zhvillohet në Strasburg, më 24-28 prill 2022

  • Postuar më, 27/04/2022

Më datë 26 prill një takim me Presidentin e Asamblesë Parlamentare të Këshillit të Evropës z. Tiny Kox. Duke qenë se ky ishte takimi i parë i delegacionit shqiptar pas zgjedhjes se z. Kox ne krye te APKiE, Kryetarja e delegacionit, znj Gjylameti e uroi z. Kox per zgjedhjen e tij si President i Asamblese. Ajo gjithashtu përgëzoi z.Kox për rolin e tij proaktiv në sigurimin e një qëndrimi unanim të APKiE në dënimin e agresionit rus në Ukrainë. Znj. Gjylameti e njohu z. Kox edhe me rezolutën e miratuar nga parlamenti i Republikës së Shqipërisë në mbështetje të Ukrainës.

Znj Gjylameti vlerësoi gjithashtu rolin e rëndësishëm të Asamblesë Parlamentare dhe kontributin e Këshillit të Evropës në përgjithësi në konsolidimin e shtetit të së drejtës të të drejtave te njeriut dhe demokracisë në Shqipëri dhe në rajonin tonë.  Ajo theksoi nevojën për një përqasje më pragmatike dhe objektive të Asamblesë Parlamentare sa i takon procesit te monitorimit dhe vlerësoi hapat e ndërmarra për të reformuar ketë proces në mënyrë që t pasqyrojë realitetin e ri në të gjithë vendet anetare te Keshillit te Evropes. Së fundmi znj. Gjylameti vlerësoi bashkëpunimin që Asambleja ka zhvilluar me delegacionin e Republikes se Kosoves dhe theksoi nevojën që më shumë se 2 milion qytetarë që jetojnë në Kosovë të kenë sa më shume përfitime të njëjta me ato të vendeve anëtare.

Presidenti Kox, vlerësoi rolin e rëndësishëm të Shqipërisë në Ballkanin Perëndimor, si dhe reformat e ndërmarra nga Shqipëria në drejtim në forcimin e shtetit të së drejtës, demokracisë dhe të drejtave të njeriut. Ai dakordësoi nevojën për avancimin me reformën e monitorimeve që duhet të pasqyrojë realitetin e ri të vendeve anëtare dhe theksoi se është e pozitive që Kosova merr pjesë në punimet e APKiE dhe duhet të vijojë puna më tej që qytetarët e Kosovës të përfitojnë sa më shumë nga ekspertiza e Këshillit të Evropës. Përfaqësuesit e delegacionit shqiptar, znj Bushka, Znj Gjonaj dhe Znj Tabaku nënvizuan rëndësinë e mbështetjes dhe kontributit pozitiv që mund të japë për avancimin e të gjithë Ballkanit Perëndimor në rrugën e integrimit evropian duke promovuar arritjet e identifikuara nëpërmjet vlerësimeve të mekanizmave të Këshillit të Evropës.

Delegacioni shqiptar dhe Presidenti Kox u dakordësuan që të kenë një platformë bashkëpunimi përgjatë gjithë mandatit të tij deri në 2024 ku të punojnë së bashku edhe me përfaqësuesit e vendeve të tjerë të rajonit për të avancuar në rrugën e integrimit të plotë të Ballkanit Perëndimor në BE, por edhe për të konsoliduar më tej sinergjinë dhe politikat e bashkëpunimit mes organeve të Këshillit të Evropës për të promovuar parimet kryesore të Këshillit të Evropës


Share