Konstituohet Nënkomisioni për Administratën Publike

  • Postuar më, 29/06/2022

U zhvillua mbledhja e parë konstituese e Nënkomisionit për Administratën Publike, në përbërje të Komisionit për Çështjet Ligjore, Administratën Publike dhe të Drejtat e Njeriut i ngritur me vendimin nr. 40/2022 të Kuvendit. Nënkomisioni përbëhet nga 7 anëtarë: Ermonela Felaj (Valikaj), kryetare, z. Saimir Korreshi, zëvendëskryetar, si dhe anëtarët: z.Bardhyl Kollçaku, z. Lavdrim Krashi, znj. Hatixhe Konomi, z. Oerd Bylykbashi, z. Fatmir Mediu, si dhe anëtarët zëvendësues:z. Fadil Nasufi, z. Ilir Topi dhe z. Gazmend Bardhi.

Në nisje të mbledhjes kryetarja znj.Felaj, propozoi deputeten e grupit parlamentar socialist znj.Hatixhe Konomi, si sekretare të nënkomisionit, propozim i cili u miratua në unanimitet nga të gjithë anëtarët. Rendi i ditës vijoi me diskutime mbi kalendarin e punës së nënkomisionit dhe kontaktet me institucionet kyçe nga të cilat do të mund të merret informacioni i nevojshëm për të kuptuar dhe vlerësuar si funksionon administrata publike. Pas diskutimeve nënkomisioni miratoi kalendarin e punës së nënkomisionit. 


Share